easter markan logo

ጎርፍ ባስከተለው ጉዳት አገልግሎት መስጠት አቋርጦ የነበረው የሻሸመኔ-ሃላባ መንገድ ለትራፊክ ክፍት ሆነ

አዲስ አበባ፣ ሀምሌ 24፣ 2008 (ኤፍ.ቢ.ሲ) ወቅቱን ያልጠበቀ ዝናብ ባስከተለው ጎርፍ አገልግሎት መስጠት አቋርጦ የነበረው የሻሸመኔ-ሃላባ መንገድ ለትራፊክ ክፍት ሆነ።

የኢትዮጵያ መንገዶች ባለሥልጣን ከማርካን ኮንስትራክሽን ጋር በፈጸመው ስምምነት ከ35 ሚሊዮን ብር በላይ በሆነ ወጪ መንገዱን በመገንባት ለአገልግሎት አብቅቶታል።በኢትዮጵያ መንገዶች ባለስልጣን የሻሸመኔ መንገድ ኔትወርክ ቅርንጫፍ ተጠባባቂ ቡድን መሪ አቶ ኡመር ሁሴን መንገዱ ከሁለት ወራት በፊት ወቅቱን ያልጠበቀ ዝናብ ባስከተለው ጎርፍ ተንሸራቶ በመደርመሱ አገልግሎት መስጠት አቁሞ እንደነበር አስታውሰዋል።የትራፊክ ፍሰቱ እንዳይስተጓጓል 2 ነጥብ 1 ኪሎ ሜትር ተለዋጭ መንገድ መሰራቱንም ጠቅሰዋል። 140 ሜትር ርዝመትና 27 ሜትር የጎን ስፋት ያለው አስፓልት በመንሸራተቱ ለተፈጠረው  15 ሜትር ገደል የ 13 ሜትር የድንጋይና 2 ሜትር የአፈር ሙሌት ሥራ ተከናውኖ ለአገልግሎት መብቃቱንም አክለዋል።

በቀጣዮቹ ሁለት ወራት መንገዱን ለትራፊክ ክፍት በማድረግ አፈፃፀሙ ከተገመገመ በኋላ ሙሉ በሙሉ በአስፓልት ይሸፈናል ነው ያሉት። የኢትዮጵያ መንገዶች ባለስልጣን የኮምዩኒኬሽንና ህዝብ ግንኙነት ዳይሬክተር አቶ ሳምሶን ወንድሙ በበኩላቸው፥ ባለሥልጣኑና ማርካን ኮንስትራክሽን መንገዱን በአፋጣኝ ለአገልግሎት ለማብቃት ባደረጉት ርብርብ ዋናው የግንባታ ሥራ ተጠናቆ ለትራፊክ ክፍት ተደርጓል ብለዋል። የማርካን ኮንስትራክሽን የፕሮጀክት ሥራ አስኪያጅ አቶ ሚካኤል ስዩም ግንባታውን በተያዘለት ጊዜና በውሉ መሰረት ለማጠናቀቅ በሙሉ አቅም መንቀሳቀሳቸውን ተናግረዋል። በአሁኑ ወቅት የመንገዱ 99 በመቶ መገንባቱንና ቀሪ ሥራዎችም በአጭር ጊዜ እንደሚጠናቀቁ አረጋግጠዋል።

 

Electrodes

we are now importing High Quality electrodes from Turkey.

Wire Rod

High quality wire rods.